Search Bar

Ladkiyo ko Kaise Boys Pasand Hai- Aiye Jante Hai

Shivshi ki taraf se, namaskar, pranaam aur kahiye dosto kaise hai aap? Ab mere friends ka normal question jo hamare paas aata hai wo ye ki, ladki ko kaise impress kareAnjaan Ladki se Dosti Kaise Kare, Ladki ko Propose Kaise Kare, Ladki se apne Dil ki Baat Kaise kahen. Aur aaj in sab ke baad, hamare paas jo question aaya hai, wo ye ki “Ladki ko kaise Personality ke ladke Ache Lagte Hai”. Ab bhi jab mere friends ne puch hi lia toh hum unke help karne ko mana kaise kar sakte hai.

Toh phir chalo ab btate hain apne friends ke problem ka solution. Kaise banaye apni personality ki ladki aapse impress ho jaye. Waise toh ladkiyan impress ho bhi jaye na toh bhi aapko btane mein nakhre toh karenge ya phir kayi toh batayenge hi nahi, kyunki unko lagta aisa karne se ladke ko lagega, wo unpe try kar rahi hai, jo unki ego ko hurt karta hai. Bas aapki friends hi hongi ya koi hi ladki hogi jo aapko direct aake aisa kuch bolegi. But chalo hum apne friends ko personality ke tips he aise denge ki koi resist hi nahi kar payega. Toh phir chale ab shivshi ki tips ki duniya me.

LADKI KO KAISI PERSONALITY KE LADKE ACHE LAGTE HAI

Waise toh ladko ke case mein har ladki ki alag choice hoti hai. Kisi ko hot, kisi ko cool dude or kisi ko smart and decent ladke pasand hote hai. Aur kuch ladkiyan toh filmy actress ki tarah se kuch traits dhoondte hai, filmy duniya ka chocolate boy, shahid kapoor, salman ke fans toh waise bhi bahut hai, hrithik ki personality aur bhi bahut kuch. But ab toh hum hai, unke jaise impressive kaise bane. Chalo hum batate hai apki ladki ko kaise personality wale ladke pasand hai.

1. ATTRACTIVE LOOK WALE

Ladkiyan hamesha chahti hai ki unka jo partner ho ya friend ho wo hamesha smart ho, aur uski attractive look ho taki baki ladkiyan ya uski sari friends use praise karen aur baki sab ladkiyan use jealous feel karen. Uska dressing sense aur uska hairstyle acha hona chahiye. Aur agar ladki ko wo pasand na aaye toh woh aap ko frankly bol ke use change karwa sake. Aapki personality aur aapka dressing sense aapke mood, nature aur character ke bare me batati hai. Jaise agar aap use formal trouser aur white t-shirt me milte ho toh aap ka first impression professional type ka padhta hai. Agar usko milte waqt aap bright color ke kapde pehan ke jaate ho toh wo kafi attractive lagta aur ise aap ko use milne ki khushi ka pata chalta aur doosro ko bhi acha lagta hai. Jab bhi kisi ladki se milne jaye apni looks aur personality ka ache se dhyan rakhe kyunki ye choti choti battein bahut matter karti hai.

2. SINCERE AUR DECENT LADKE

Jaise ki mostly ladko me hota hai, dekhe wo chahe jaise marji ladki ko, ya comment karte waqt chahe jo marji bole but jo unka mindsetup hota matlab jo unke mind me hota apni girlfriend ko leke wo mostly yahi chahte hai wo bahut decent aur sincere se ho. Jo jayda kisi se open na ho, ya over friendly aur second thing ki wo family ki respect kare, pyar se bole and many more sincere sweet ladkiyon wali qualities.

Same hi case ladkiyon ka hai, wo hamesha aisa ladka chahti hai jo sincere and decent ho. Wo ladkiyon ki respect, uska sath de, caring, loving, family ki respect kare…aur ladkiyon ke list toh kabhi khatam hoti hi nahi hai. But agar aap uske samne bahut hi respectful aur decent rehte hai toh apka impression bahut acha padhta.

3. SMART WORK

Smart look ke sath smart work bhi ladkiyon ko pasand aata. Agar aap uski koi bhi problem ko understand karte hai aur uske smart solution dete hai toh aapka ek complementing personality wala impression leave karte hai. Sirf uske problems hi nahi but agar aap har cheez ko smartly handle karte ho, jaise aapke relation ki problems, friends ki misunderstanding, job or study related matters. Har cheez ko smartly handle karna bahut zaroori hai. Ladki pe acha impression dalna bahut zaroori hai.

4. SENSE OF HUMOUR

Ladkiyon ko impress karne ke liye good sense of humour, ek bahut bada factor hai. Ladkiyon ko aise ladke bahut pasand hai jo good sense of humour hold karte ho. Jo ladkiyon ko hamesha khush rakhte ho, aise ladke bahut pasand hai ladkiyo ko. Aur aisa aap tabhi kar sakte ho agar aap khud khush ho.

No doubt, girls ko aise ladke bhi bahut pasand hai jo unse apni har baat ko share karein but ye nahi har time uske sath rona dhona. Use jitna ho sake khush rakhein, taki wo aapke sath spend kia hua sara time yaad rakhe.

5. MATURE AUR INTELLIGENT

Ladkiyon ko mature aur intelligent ladke bahut pasand hote hai, jo apna decision wisely aur sahi se le. Is se unko bhi help karte rahe. Wo ladkiyon ko bhi unka decision lene me help karen. Unhe pata ho ki kis ladki kab or kaise baat karne hai, jis se ladki hurt na ho. Ladkiyon ko aise ladke bhi pasand hai, jo studies me intelligent ho, earning achi ho is se unka future bhi secure hoga and ladki bhi safe feel karte hai.

6. SELF CONFIDENT LADKE

Ladkiyon ko self confident ladke pasand hai, jo apne dil ki baat kehne ka confidence rakhte ho. Confidence ek bahut bada factor count hota ek ladki ko impress karne ke liye. Infact yr, kisi ladki ko chahe complement karna ho ya chahe comment, guts toh uske liye bhi chahiye. Wo chahe jo bhi karein, sahi karein, aur pure confidence se kare. Chahe wo kisi ki help ho, kisi ka sath dena ho ya kisi bhi tarah ki cheez ho jo ladkiyon ko impressive lage. Usko sab kaam full confidence se karna chahiye. Aise ladke mostly sare kam realistic world ke hisab se karte hai aur sari situations ko mind me rakh ke karte hai, so aise ladke ladkiyon ko mostly impress karte hai.

7. PAMPER KAREIN

Ladkiyon ko pampering bahut pasand hoti hai toh wo is liye hamesha chahte hai ki jo bhi ladka unke sath ho wo unhe pamper kar ke rakhein aur unke har choti se choti cheez ka khayal rakhein, caring ho. Unko waise ladke pasand hai jo sweet awaaz me baat kare, gussa na kare, pyar se rakhein, ye hai ladkiyon ki demand.

8. COMPLEMENTING NATURE

Ye toh aap kaise hi bhool sakte ho, ladkiyon ki praise. Ladkiyon ko aise ladke bahut pasand hai jo unki har choti se choti cheez ko notice karen. Unhe complement de. Agar aap kisi ladki me koi change notice karte ho, jaise hairstyle, dressing sense toh use complement dena na bhule. Is se ladki ko pata chalta rehta hai ki aap actually me use notice karte hai aur wo is se khush hoti hai.

Toh ye thi hamare aaj kal ki ladkiyon ki demand. Aise ladke pasand hai hamari nakhre wali kudiyon ko. Toh phir shivhshi ke kitne aise friends hai jo actual me aise personality rakhte hai aur unhe vishwas hai ki wo ladki ko assani se impress kar lenge.toh mujhe btana zaroor kaise lagi hamare tips aur kitne help ki unhone aap ki. Friends mera youtube channel bhi hai aap ussey bhi ek baar jaroor dekhiyega aapko kaffi madad milegi.

Ladkiyo ko Kaise Boys Pasand Hai- Aiye Jante Hai Ladkiyo ko Kaise Boys Pasand Hai- Aiye Jante Hai Reviewed by Gourab Das on July 15, 2020 Rating: 5

No comments:

Powered by Blogger.