Search Bar

Gf Time na De Tab Kya Kare

Aap me se bahut logo ke saath aksar aisa hota hoga ki relationship ka ek phase gujar jaane ke baad jis girlfriend se  aap kabhi ghanto phone par baat karte the aaj uske pass aap se baat karne ke liye 5 minute bhi nhi hai, ya phir aap apni girlfriend se milne ka plan roz banate hai par har roz woh koi na koi reason de kar plan cancel kar deti hai. Aap iski wajah janane ki koshish toh karte par na toh aapki girlfriend thik se baat karti hai aur na hi dhang se koi jawab.

Aisa kyun Hota hai? Kya aapki girlfriend ka interest aap me kam ho gya hai , ya phir uski zindagi me ab koi aur aa gya hai ya phir woh sach me busy hai aur  aapko waqt nhi de pa rhi hai. Toh Friends Shivshi ke aaj ka topic yahi hai jab aapki girlfriend aapko kam time deti hai toh aise situation me kya kare?

1.

Jo ladki kal tak aap se baat kare bina so nahi paati thi aaj ghanto online rah kar bhi aapse baat nahi karti, agar kabhi aisi situation aaye toh meri advice hai ki aap sahi reason janane ki koshish karo kyunki baat karne se koi bhi problem aasani se solve ho jati hai.

Mere ek dost ki girlfriend bhi usey na time deti thi aur na hi sahi se baat karti thi, toh mere dost ne ushe ignore karne ke wajay situation ko samjha aur apni girlfriend ko samjhaya na ki ushe akele chod diya , aise time me aap bhi patience rakho aur  situation ko handle karo. Agar woh apne kaam ko lekar busy hai tab aapko usko samjhna padega par woh ishliye aapko time nhi de rahi kyunki woh apne friends ke saath party karne me busy hai ya office colleagues ke saath hangout kar rhi hai, aise waqt me aapko khud sochna hoga ki kya ye relationship sahi aur kya ish relationship ko aap aur waqt de sakte ho. Jyadatar girls yeh check karne ke liye bhi ignore karti hai aap trustworthy hai ya nahi aur aapke saath relationship real hai ya nahi.

2.

Har  baar ye bhi nahi ho sakta ki aapki girlfriend kisi genunie reason ki wajah se ignore kar rhi ho agar woh aapko time nahi deti ya aapse milna nahi chahti toh shayad ushka interest aap me kam ho gya hai ya ab woh aapse pahle jitna pyar nahi karti. Woh online toh rahti hai par aapke messages ka reply nahi karti , aisi situation me aap sachai janane ki koshish karo. Aur agar woh aapko sach me ignore kar rhi hai toh meri advice yahi ki hamesha apni self respect ko sabse upar rakho aur ush se baat karna avoid karo. Ladkiyan aise ladko ko aur ignore karti hai jo yeh jatate hai ki woh aapke bina rah nahi paayenge. Apna time kisi hobby ya apni pasand ka koi kaam karne me lagao jis se aap ushko yaad na karo. Agar ushe aapki jarurat hogi toh woh khud aapse baat karna chahegi. 

3.

Maine kahi padha hai “ Love is like a butterfly, if you hold it too tight it will die” 

Har insaan ki apni personal life aur priority hoti hai. Thik ushi tarah aapki girlfriend sirf isliye aapko hamesha time nahi de sakti kyunki woh aapki girlfriend hai. Apne relationship me personal space dijiye, agar miscommunication ho toh ushe sort out kijiye. 

Har relationship me koi na koi problem jarur aati hai par iska ye matlab nahi hai ki hum relationship ko छोड़ kar aage badh jaaye. Ye agar aapse pyar maangta hai toh commitment bhi , Agar time maangta hai toh space bhi. Aur lambe samay tak relationship me rahne ke liye aapko in saari baaton ka dhyan rakhna padta hai.

Toh aj ke liye bas itna hi, aap agar relationship se related kisi bhi topic par mujhse baat karna chahte ho toh apne question comment box me type kare main aapke saare sawalon ka jawab jarur dungi.

Gf Time na De Tab Kya Kare Gf Time na De Tab Kya Kare Reviewed by Gourab Das on July 15, 2020 Rating: 5

No comments:

Powered by Blogger.