Search Bar

Dhokha Dene Wali Ladki ko Wapis Kaise Paye

Pyar ishq Mohabbat ye hai kya?. Ye sawal sadiyon se chala aa raha hai. Aur iska jawab bhi sabka alag hai aur shayad vo bhi sahi hai… sabne apne hisaab se iska matlab socha hota hai… Aur iska malab samjhna bhi jaroori hai… kyunki kahi aisa na ho ki waqat nikal jaye aur baad mein pata chale ki jisske sath aapne itna waqat guzaara… Jisey aap pyaar samajh rahe ho… wo aapke liye hi nahi sahi ho… aur badle mein milta hai dhokha …. Aur jab aap kisi ko apna maan lete ho.. Mohobbat ke sagar mein dhoob jate ho… badle mein jab dhokha milta to apne aap ko smbalna itna mushkil ho jata ki koi soch nahi sakta….

Aur kayi vaar aisi situation bhi aati hai ki jab tak hum apne apko sambalte hain… Move on karne ki koshish karte hain…. To zindgi mein ek aisa modh ata ki dil todhne vala… dhokha dene vala fir se ek baar Aapki zindgi mein aane ki koshish karta hai… Aisi situation mein dil aur dimaag dono ko kuch samajh nahi aata ki kaise is situation ko handle kiya jaye….

To aj main yani shivshi isi topic par bat karungi ki agar pyaar mein dhokha dene vala aapki zindgi mein vapis aana chahe to aisi situation ko kaise handle kiya jaye…

Aaj ke samay mein pyaar ek khel sa ban chuka hai… kabhi breakup karte hain aur kabhi patch up …..ek duje ka dil todhna to mzak sa ban gaya hai…. Pyar ke paak ehsaas ko samjhna to door ki baat… ye bas kahaniyo mein hi reh gya hai … Par kya aapke liye bhi yahi hai pyaar … Zra sochiyega.

Aj ke samay mein logo ne pyaar ko mzak samajha hua hai … pehle to pyar ke sapne dekhte hain aur ek doosre ko dikhate hai aur fir baad mein bematlab ke reason ki vajah se rishta todhne mein waqat nahi lgate… Aur aap intzaar karte ho bas ek umeed par ki shayad ye rishta jo choti si baat par toot raha ho… vo fir se jhood jaye… Par jab tak aap sambalte ho, Iss situation se bahar niklte ho tab tak…. Ye jakham bhare bhi nahi hue hote un jakhmon ko dobara jgaane dard khud aa jata hai…

Har sikke ke do pehlu hote hai aise hi is situation aur is ke bhi do hi jwab hain haan aur naa… to pehle hum baat karenge na ki…

  • ONCE A CHEATER ALWAYS A CHEATER

Dhokha dene vala jab vapis aapki zindgi mein aana chahe….. Main samjhti hoon ye situation bahut hi mushkil hoti hai… Par aap khud hi sochein jo ek baar dhokha de sakta hai kya vo doosri baar nahi de sakta… jo ek baar galti kar sakta hai to uske doosri baar bhi chances hai galti karne ke… to zrra sambhl kar…

Jaise ek bar jua khelne se juyari ko latt lag jati hai vaise hi….. Vaise hi agar kisi ne ek baar dhokha diya to chances hai ki vo doosri baar bhi dhokha de sakta hai…  

  • ACCEPTANCE VARIES PERSON TO PERSON

We all are humans and we make mistakes, so we all deserve one chance.

Aap khud ko us jagah par rakhkar dekhiye ki yaadi aap kisi se mauka mang rahe ho to kya aap umeed nahi karoge dusra mauka milne ki…….. Jarur karoge, Sahi kaha na, To usi prakar dusra insan bhi yahi umeed karta hai yadi aaopko dusre insan ki vajah me sacchayi nazar aye to doosra mauka dene mein koi harz nahi kyunki hum insano ki to fitrat hi hai galatiya karna ek baar ki gayi galti ki mafi di jaa sakti hai…..  Par agar vo galti baar baar dohrayi jaye… to vo galti nahi us insaan ki choice ban jati hai… To aise mein behtar hai ki agar galti baar baar dohrayi ja rahi hai to aap iss cheez ko ignore na karein…

Par doston yeh bhi person to person vary karta hai… kayi logo mein accept karne ki himmat hoti hai aur kayi logo mein nahi…. Bilkul nahi…. Aur wo kuch galat bhi nahi hai… Jaise kaagaz ko agar ek baar crumpled kar diya jaye to usey vapis usi tareeke se sidha nahi kiya ja sakta… bas vishwaas bhi isi tarh hota hai agar toot jaye to usey usi prkar se dobara jodhna mushkil hota hai…

To aap jaan hi gaye ki aisi situation mein aap do hi faisle le sakte ho …. Aur wo faisla hai han ya na …. Aur ye aap par depend karta hai ki aap kis raste ko choonna chahte ho… Dosto main aap sabse ek baat bolna chahti … pyaar ko ek khel mat samjhe ki jab chahe dil jodh diya jab chahe dil todh diya…. Ye sahi nahi hai na… Is baat ko samjhna sabke liye bahut jaroori hai…

Umeed karti meri ye Tips aapke liye bahut hi helpful rehegi. Agar aapka koi bhi Sawal ho aap mujhe comment karke pooch sakte ho … mujhe aapke sawalon ka intezaar rahega.

Dhokha Dene Wali Ladki ko Wapis Kaise Paye Dhokha Dene Wali Ladki ko Wapis Kaise Paye Reviewed by Gourab Das on July 15, 2020 Rating: 5

No comments:

Powered by Blogger.