Search Bar

Bf Ke Birthday Par Kya Gift Kare

Hello girls..toh aaj hume time mila hai kafi time baad baat karne ka. Nahi toh hamesha ladke aur unki problems. Hamesha isse pe discussion ho rahi hoti hai. Kyu guys and girls, am I right? Hamesha unki problems, Anjaan ladki se baat kaise KareLadki ko Friendship ke Liye Kaise manayeLadki ko Propose Kaise Karo, etc, etc..matlab ab tak hum sirf unki problems solve kar rahe the. Toh bas ab mujhe ladkiyon ke liye thoda time nikalne do. Unse baat karne do. So, “Bie Guys and Welcome Girls.”

Toh kaise ho beautiful girls aap? Or kaise hai aapke boy friends? Hopefully aap sab ache honge. Toh kaho, kya puchna chahte ho aap ya phir kya baat karna chahoge aj mere se….okk lag gaya pata. 😉 Boyfriend topic. Haan na. Toh kab hai aapke boyfriend ka birthday. Sahi kaha na maine yeh puchna chahte the aap mere se ki “Boyfriend Ko Birthday par Kya Gift Dein Ki Vo Hamesha Yaad Rakhe”. Hmmm… ladko ke liye gift sochna sach mein bahut mushkil hai. Mujhe bhi jab apne friends ke liye kuch sochna padta hai toh kabhi kabhi toh decide karna mushkil ho jata hai ki kya do unhe kyunki hum ladkiyon ke liye toh bahut gifts hote hai but ladko ke liye, thoda muskil ho jata hai. But koi na main hu na aapko suggest karne ke liye nahi toh phir hamare sare friends bhi hai, wo hamari help karenge apne views deke. Toh chalo badhte hai phir Ladko Ke Liye Birthday Dekhne Mein.

BOYFRIEND KE LIYE BIRTHDAY GIFT IDEAS

Best Valentine's Day gifts for him - 12 present ideas your ...

Hmmm… Kya dein phir boyfriend ko ki wo hamesha yaad rakhe. 🙄  Waise ye gifts hamesha budget dependent hote hai. Ab main aapko sare kind ke gift btaongi jo aapke boyfriend ko hamesha yaad rahenge, toh aap apne budget ke according jo aapko acha lage choose kar sakte ho. Waise toh agar apne hath se banake kuch dete hai toh wo aur bhi special hoga. Toh yaha par sare gifts hai, handmade or low budget to high budget. Ye sab karne se aap ka boyfriend pakka impress hoga.

IDEA 1 : PURANI MEMORIES KO REGENERATE KARO

Samjh toh aap gaye hi hoge. Ladkiya toh in cases mein waise hi bahut intelligent hoti hai aur aap toh hai hi. Aapko pata hai time kabhi wapis nahi aa sakta, but time ke sath bane hue yaadein kabhi bhuli bhi nahi jaa sakte. Toh bas in purani yaadon ko wapis lane ka waqt aa gaya hai.

Iske liye aap uske room ke liye ek bada sara photoframe bna sakte ho. Ye photoframe mein aapki aur uski photos ho sakti hai or agar aapko lagta hai wo iss photoframe ghar nahi dikha payega ya room mein nahi lga sakta toh phir aap is frame mein apni jagah uski family photos include kar sakte ho. Iss frame mein aap collage bhi bana sakte ho, kuch photos uski, uski family, friends ya kuch bhi aise moments jo memorable ho. Jo wo hamesha yaad rakhein aur uske face pe hamesha smile banaye rakhe. Isse wo hamesha yaad rakhega. Aur ye aapke budget mein fit hota hai.

IDEA 2: MINI BOOK

Very Hungry Caterpillar Mini Gift Tag Blank Book | The Eric Carle ...

Aapke budget mein fit hone ke liye ek aur cheez hai. Mini Book. Iss book mein uske bare mein likh sakte ho, aapke views usko leke, uska aapse milna first day till now, ya phir kuch aisi cheez jo aapko uske pasand ho, from A – Z. siki jagah aap use choti bottles de sakte hai jisme aapke floating messages hote hai. Aapke haath se bana hua ye gift use pakka pasand aayega.

IDEA 3 : TREASURE HUNT

Ab uska birthday aur use gift bhi chahiye toh kuch mehnat toh use bhi karni padegi apne gift ke liye. Is birthday ko aur interesting banane ke liye aap iss gift ko kuch jagah pe place kar sakte hai, use is place ka hint dene ke liye aap use kuch tricky question ya kuch or hint de sakte hai jo use doosre jagah leke jaye aur phir us se next place or phir aise hints ke sath wo apni final place tak pahunche jahan use gift milega. Ye treasure hunt wala gift idea uske birthday ko interesting bana dega.

 IDEA 4 : SHIRT

Shirt… hmm..thoda sochna toh padega isliye nahi ki wo out of budget ho jayega, but isliye ki ye toh humne bahut baar diya hua iske liye toh kisi occasion ki zaroorat nahi hai. But still haan ek baar soch zaroor sakte hai. Is shirt pe aap uske liye koi message bhi de sakte ho ya uski koi photo print karwa sakte ho. Aur agar aap first time use koi gift de rahe hai, phir toh bindaas aap use ye gift de sakte ho. Aur waise bhi shirt gift karna kabhi out of trend nahi hota.

 IDEA 5 : FUNNY GIFTS

Waise toh birthday pe kabhi kisi ko gussa nahin karna chahiye or na hi use irritate but hum uska birthday funny toh bana hi sakte hai. Aapko apne boyfriend ke sari choices pata hai? kyunki iss gift ke liye aapko unki sari choices pata hona zaroori hai.

Ab aap unke liye unke liye gift karido, wo nahi jo unhe pasand hai but wo jo use pasand nahi hai. Isse jaise hi wo ek ek karke kholega ya toh wo gussa ya irritate. But koi na thodi khushi se pehle ye chalta hai. Ab agar wo gusse mein toh bas use ek tight hug do aur use ek best gift jo use pasand ho aur wo use lene ki kafi der se wait kar raha ho. Isse uska gussa shant ho jayega. Aur wo apke iss shararat ke liye aapko yaad bhi rakhega.

IDEA 6 : PERSONAL GIFTS

Apne boyfriend ke birthday pe aap use kuch daily routine se utha ke personal gifts bhi de sakte hai. Aapne dekha hoga, aaj kal ladke ladkiyo se jyada products use karte hai aur unse jyada conscious hote hai chahe wo unki beauty ho ya skin. Toh bas phir aap uski personal routine ke liye kuch stuff gift kar sakte hai, jo uske liye useful bhi ho aur worth bhi.

Uski personal life gifts mein aap WalletRazorTrimmerWatchShoesTie etc include kar sakte ho. Ya phir use face care ke liye products, jaise Face WashCreamlotionCleanser, etc.

IDEA 7 : BIRTHDAY CAKE AUR SURPRISE BIRTHDAY TREAT

Kaisa rahega ye idea aapke boyfriend ke liye. Uske liye ek acha sa uske favourite flavour ka cake banao. Us cake pe aap apne craft ideas bna sakte ho, jaise us pe apni aur uski photos lga sakte ho. Ya kuch bhi decorative ideas se aap cake bana sakte ho.

Iske baad aap uske liye ek surprise birthday treat throw kar sakte ho. Agar aapke kuch common friends hai th phir toh bahut acha hai, aap un sab ko invite de sakte hai aur iss party ka sab plan karo aur expenditure khud do. But ye idea kafi expensive hai, agar aap afford kar sakte hai toh yeh birthday idea bhi aapke liye acha hai. Kuch jyada nahi toh aap bas uske liye cake bhi order kar sakte ho or uske baad kahi uske sath outing pe jao ya movie dekho. Aur apni presence de uska din special banao.

Ab bas na aur kya gift denge hum apne boyfriend ko. Mere paas toh itne hi ideas the, agar aapke paas hai koi aur idea toh hamari baki friends ke liye share zaroor karna. Aise hi sabke views or choice leke hume bahut sare gift ideas mil jayenge apne boyfriend ke birthday ke liye. So, girls mujhe batana zaroor kaise lage aapko mere ye ideas aur mere se baatein karte rehna apne comments ke through. Aapse phir baat karongi aur phir milte hai. See you soon. Take care. Aur haan batana mat bhulna aapke boyfriend ko kaisa laga aapka gift. 🙂

Bf Ke Birthday Par Kya Gift Kare Bf Ke Birthday Par Kya Gift Kare Reviewed by Gourab Das on July 15, 2020 Rating: 5

No comments:

Powered by Blogger.